“Buxoro viloyati Toza Hudud” davlat muassasasi 2017-yil 9-iyunda Buxoro viloyati Davlat xizmatlari markazi tomonidan davlat ro‘yxatidan o‘tkazilgan bo‘lib, o‘z faoliyatini O‘zbekiston Respublikasi qonunlari, Vazirlar Mahkamasi qarorlari, Buxoro viloyati hokimligi hujjatlari hamda muassasa Nizomi asosida amalga oshirib kelmoqda.

Muassasa tashkil etilishining asosiy maqsadi – Buxoro viloyati hududida sanitariya-maishiy tozalik ishlarini samarali tashkil etish, aholi va tadbirkorlik subyektlaridan maishiy chiqindilarni yig‘ish, tashish, ularni saralash va qayta ishlash tizimini yo‘lga qo‘yishdan iboratdir.

Tashkilot o‘z faoliyatida quyidagi yo‘nalishlarga alohida e’tibor qaratmoqda:

• aholi punktlari va korxonalardan maishiy chiqindilarni belgilangan tartibda yig‘ish va tashish;
• shahar va tumanlar hududlarida sanitariya holatini ta’minlash hamda doimiy ravishda yaxshilab borish;
• chiqindilarni qayta ishlash texnologiyalarini joriy etish hamda ulardan xo‘jalikda samarali foydalanish;
• ekologik xavfsizlik va sog‘lom muhitni ta’minlashga qaratilgan davlat dasturlari va islohotlarni amalga oshirish.

“Buxoro viloyati Toza Hudud” davlat muassasasi tashkil etilgan davrdan buyon Buxoro viloyati aholisiga sanitariya va maishiy xizmat ko‘rsatish sifati hamda ko‘lamini oshirish, ekologik sof muhitni ta’minlash va hududlarning ozoda hamda obodligini ta’minlashda muhim o‘rin egallab kelmoqda.